Ah Hoream

Published: Selasa, 11 Januari 2011

Dewek mah moal rek pipilueun
komo ukur neangan kode
ngadon mumuja nu hanteu hanteu
nepi ka sagala digade gade
kusabab masang kalaut bae

Euweuh dina sajarahna
jalma jegud tina buntut
nu puguh mah ngadon kutud
sangsara neureuyan hitut

Lieuk euweuh ragap taya
hayang masang beak modal
tungtungna jadi teu eling
barang tatangga ge dipaling